Sarau Merah
Ada langkah kaki seorang lelaki
Yang hatinya sekuat salawaku
Menari melewati tifa dan tide
Suba menghidupkan budaya
Kulihat dia membaca mantra
Tatapannya menyimpan bangga
Ia menari dengan hati seorang ayah
Kau itu lelaki bukan salu-salu
Teruslah menari lelaki Mamuya
Kuatkan ikatan sarau merahmu
Kuatkan ikatan salempan pinggangmu
Salawaku dan parang harus di ayungkan
Jika cinta membuatmu lupa
Maka kau tak pantas disebut lelaki
Terus berkarya dan belajar
Karena cakalele dan kau itu satu.
Mamuya, 20 Desember 2020
=======
Manyele Cinta
Ah! Nona kita pe cinta
Model ombak bapicah di akemalako
Atau panas model jububu mamuya
Kalo tara percaya coba nona rasa
Jang nona kira kita laki-laki
Yang hanya babungkus deng kain sapangal
Kita pe pundak deng tangan ponom luka
Hanya karna kalapa deng nilon baku talingkar
Kalo kita babisi di nona itu badengar
Jangan sampe pangayung pata
Semang parahu talapas iko arus
Kita balego iko lempar itu hati
Jang manuntut rupa-rupa
Tuturuga deng meleu masih batolor
Persetan deng mahar mahal-mahal
Kalo nona masih robe baju kabaya
Kita kaseh buju deng salube
Nona balempar muka
Kita kaseh buju deng tide-tide
Nona babanting hati
Jang kita iko manyele deng bunga jara
Eh! Nona mari badekat
Kita carita kisah cinta
Di tanjung-tanjung mamuya
Biar nona pe konde deng hati
Jang sama deng parahu kole-kole.
