Ale Su Jau
di pante ini beta dudu sandiri
angin bawa ale pung nama kombali
omba pukul hati yang sunyi
katong pung carita su tinggal mimpi
dolo di sini katong dua bajalang
ale pegang beta pung tangang
ale bilang cinta ini seng akang ilang
tapi mangapa ale yang putus akang
sio nona e, beta seng tahang lai
luka ini tatikang di dalang hati
rindu ini su seng berarti
akang samua seng ada arti
Ale su jau nona, su deng laeng
beta pung hati padis bukang maeng
cinta ini akang su ilang
seng mungkin lai katong mau ulang
ale su jau, bawa samua
janji manis deng rasa cinta
beta tinggal deng luka di dada
di pante ini… deng sisa carita
kalo nanti katong bakudapa
jang bilang beta luka lama
karna samua yang beta rasa
akang su takubur di dalang dada
beta masi sayang ale, nona
tapi katong pung jalan su beda
biar jua beta simpang akang samua
ale su pigi, beta tinggal deng luka
Ambon, 5 Juni 2026
==============
Jang Ale Kira
jang ale kira laki-laki seng pung airmata
putus cinta itu bukang parkara biasa
biar bakuat deng pura-pura lupa
akang tairis di dalang dada
airmata jua bisa tumpa
hati jua bisa luka
waktu dia baharap cinta
tapi seng ada yang kasi muka
jang ale kira laki-laki seng pung airmata
dia jua manusia, dia jua pung rasa
kalo cinta su pata di dada
airmata tumpa, seng bisa tahang, nona….
