ale di mana, ada biking apa
beta tunggu malam ini nona
ale di mana, ada deng sapa
jang kas tinggal beta sandiri nona
malam ini beta sandiri
rindu tikang sampe ka hati
kalo ini katong pung takdir
beta simpang sampe terakhir
malam turun palang-palang
beta ilang dalam kenang
ambon saksi katong dua pung janji
tapi sakarang tinggal beta sandiri
Ambon, 1 Juni 2026
============
Nona Kerudung Biru
Ade nona kerudung biru
Beta tau ale simpang saki di situ
Meski deng senyum ale coba tutu
Tapi beta tau ada luka di hati salalu
Beta tau ale coba batahang
dalang sepi yang datang palang
Ale coba bakuat tapi seng manahang
Rindu di hati talalu dalang
Ale diam tapi di hati ada suara
Ale senyum tapi di dada ada luka
Seng samua tau ale pung carita
Apa yang ale rasa skarang nona
Nona kerudung biru
Jang simpang samua sandiri
Kalo rindu bilang saja
Beta ada di sini
Nona kerudung biru
Seng usah simpang sandiri
Kalo luka talalu dalang
kasi ka beta sadiki jua
Beta seng janji hidup sempurna
Tapi beta janji tetap ada
Kalo dunia biking ale terluka
Beta janji hapus se pung air mata
Nona kerudung biru
Mari carita deng beta di sini
Tentang rindu, tentang luka
jang ale simpang samua sandiri
Nona kerudung biru
Beta seng akan pigi
Slama ale masih mau kombali
Beta tetap tunggu di sini
