Oleh: Dino Umahuk
Ale dong pasti su pernah dengar Bung Yopie Latul pung lagu yang bait-baitnya bagini to: hitam-hitam kereta api, biar hitam banyak yang antri. Lagu berjudul Hitam Manggustang ini memang klop skali deng nyong-nyong Ambon. Biar pun kalo di Jawa apalagi di Jakarta entah kenapa katong sering dicap angker dan kasar. Memang paling seng enak karena paling sering anggapan itu dong temple for katong nyong-nyong Ambon. Maksudnya bukan beta, karena beta su om-om. Hahaha huraaaa….
Eh beta mau bilang for dong samua bahwa kamong seng bisa menyamaratakan setiap orang Ambon deng padangan yang subjektif. Atau secara gamblang menilai hanya dari tampilan luar dan desas-desus yang ada. Sebelum kamong memfonis katong nyong-nyong Ambon, perlu kamong tau, kalau nyong-nyong Ambon sebenarnya sama seperti nyong-nyong Jawa, Sumatera Kalimantan deng laion-lain. Katong ini jua manusia biasa deng segudang kelebihan dan kekurangan.
Jadi tolong jangan pukul sama rata bahwa katong nyong-nyong Ambon itu kasar dan sangar. Mangkali itu ana-ana sparuh yang jadi preman deng debt collector kaapa, tetapi maklum jua, dong bagitu itu karena kerasnya tuntutan hidup di Jakarta deng terbatasnya lapangan pekerjaan di kampung.
Jadi kali ini beta mau ajak kamong samua, terutama nona-nona manis untuk melihat banyak sekali nilai plus nyong-nyong Ambon. Pssst.. bukan sombong deng pamer diri loh, tapi bisa dibilang, katong ini punya potensi besar untuk dijadikan pasangan masa depan. Seng percaya? ini, bukti yang yang ade nona dong perlu tau.
