jang ale kira laki-laki seng pung airmata
kalo sayang su buang muka
hari-hari seng ada kabar berita
rasa sunyi akang tahela di dalang dada
airmata jatu balandong
hati ancor seng ada yang tolong
jang ale kira laki-laki seng pung airmata
dia jua manusia, dia jua pung rasa
kalo cinta su pata di dada
airmata tumpa, seng bisa tahang, nona….
kalo sayang su pigi jau, seng lia rupa
akang pung saki samua sama saja
soal hati, soal luka, soal rasa
airmata seng parnah pili dia sapa
Ambon, 4 Juni 2026
=========
Malam ini Beta Sandiri
ada bulan di jandela
dia malu lia dunia
suara gitar datang dar jau
bawa beta ka masa lalu
angin malam palang-palang
bisi ale pung nama yang su ilang
kota ini su jadi sunyi
sejak ale seng ada di sini
beta pung hati su ancor
pangge ale seng dengar
rindu ini tamba barat
katong pung cinta akang su bakarat
malam ini beta sandiri
rindu tikang sampe ka hati
ale di mana nona bilang jua
beta seng kuat lai par tahang rasa
malam ini beta manangis
ale pung nama biking hati tairis
biar jau biar cuma bayang
beta tetap sayang
beta bajalang di ujung malam
jejak lama iko tanggalang
carita yang dolo su lama ilang
dalang sunyi tanpa se sayang
lampu-lampu jadi saksi
cinta datang tarus pigi
ale tinggal di dalang hati
seng pernah mo taganti
kalo angin bisa bawa
betapung pasang par ale di sana
bilang beta masih tunggu
meski luka su talalu manucu
